Неймар ЕЧЛда энг кўп гол урган 3-бразилиялик бўлди

Франциянинг ПСЖ клуби ҳужумчиси Неймар кеча Чемпионлар лигаси гуруҳ босқичининг 4-турида “Андерлехт” (5:0) дарвозасига гол киритди.

Эътиборлиси, ушбу гол 25 ёшли футболчи учун ЕЧЛдаги 25-гол бўлди ва у бу кўрсатгич борасида ватандоши Элберни (24) ортда қолдирди ҳамда Марио Жардел (25) билан тенглашиб, 3-ўринга кўтарилиб олди.

Таъкидлаш лозимки, ушбу кўрсатгич борасида Кака 30та гол билан якка пешқадамлик қилаётган бўлса, иккинчи ўринда 27та гол билан Ривалдо эгаллаб турибди.