Неймар ҳеч ким кутмаган чемпионатга ўтмоқчилигини маълум қилди

ПСЖ клуби юлдузи Неймар океан ортида футбол ўйнаш нияти борлигини маълум қилди.

Бразилиялик футболчи МЛС тақвими жуда қисқали учун футболчиларда бўш вақт кўпроқ бўлишини таъкидлади. Аммо ҳозирча у кучли бешлик чемпионатларидан бошқа ерга кетмоқчи эмас.

"Мен АҚШ биринчилигида камида 1 мавсум ўйнашни жуда хоҳлайман. Баъзида бу истак бироз ортга чекинади. Нега айнан МЛС? Чунки у ерда чемпионат ўйинлари кам ва сизда 3-4 ойлик таътил юзага келади",-деди Неймар "Fenomenos" кўрсатуви эфирида.

Маълумот учун, 30 ёшли вингер 2017 йилда 222 миллион евро эвазига "Барселона"дан ПСЖ сафига кўчиб ўтган эди. Бу футбол тарихидаги трансфер рекорди саналади.