Неймар катта клуб билан келишяпти

ПСЖдан кетиши кутилаётган Неймар ўзига янги жамоа қидираётгани ҳақида хабарлар кўпайиб бормоқда.

Бразилиялик футболчи айни пайтда жароҳатини даволатиш билан овора эканига қарамай, “Челси” билан ҳамкорлик бўйича музокара олиб бораётгани маълум бўлди.

Le10sport нашрининг хабар беришича, “аристократлар” таркибини Неймар билан кучайтирмоқчи. Лондонликлар бош мураббийликка Маурисио Почеттинони тайинлаган. Аргентиналик мутахассис ПСЖни бошқарган вақтда Неймар билан ишлаган. Шу боис, Маурисио 31 ёшли футболчининг устун томонларини яхши билади.

Неймарга Англия Премьер-лигасининг яна бир вакили “Манчестер Юнайтед” ҳам анчадан бери қизиқиш билдириб келмоқда. Шунингдек, “Ньюкасл”да ҳам юлдузни ўйинчини олиб келиш имконияти бор.