"Неймар менга ҳужум қилди"

"Лилль" клуби ҳимоячиси Тьяго Жало чемпионатнинг 31-туридан ўрин олган ПСЖга (1:0) қарши баҳсда рақиб жамоа ҳужумчиси Неймар билан содир бўлган жанжал ҳақида гапириб берди.

“Ҳаммаси ўтган йили Париждаги ўйинда бошланган, аммо кейинчалик бунга унчалик аҳамият берилмаган.

Мен шунга ҳеч нарса қилмаганимни айтмоқчиман. Қўполликдан сўнг, ҳакам ҳуштак чалди ва Неймар менга ҳужум қилди. Мен ерга йиқилдим. У тўпни мендан тортиб олмоқчи бўлиб, қўли билан юзимга урди. Ундан кейин мени ҳам нега майдондан четлатишди, билмайман.

Кейин, туннелда Неймар менга ёқмаган гапларни айтди. Ҳатто эсимда ҳам йўқ, лекин ўшанда яхши гаплар айтилмагани аниқ эди. Шундан кейин, ҳар биримиз ўз кийиниш хонамизга кириб кетдик ва барчаси якунланди.

Мен нафақат Неймар, умуман барча футболчиларни ҳурмат қиламан. Аммо бошқа ўйинчилар ҳам ҳурмат кўрсатиши керак, деб ўйлайман. Биз бир-биримизни ҳурмат қилишимиз керак, чунки биз ҳамкасбмиз. Неймар ҳамкасбларини кўпроқ ҳурмат қилиши лозим”, - деди Жало.