Неймар сенсацион трансферга тайёрланяпти

Саудия Арабистонининг “Ал-Ҳилол” жамоасида ўйнаётган Неймар фаолиятида яна жиддий ва шов-шувли ўзгариш бўлиши кутилмоқда.

Бразилиялик футболчи ўзини тарбиялаган “Сантос” билан ҳамкорлик масаласида келишувга эришди.

Журналист Сесар Луис Мерлонинг ижтимоий тармоқлардаги саҳифасида маълум қилишича, Неймарнинг агентлари “Ал-Ҳилол” раҳбарияти билан ўзаро ҳамкорликни бекор қилиш масаласида музокараларга киришган.

“Сантос” клуби 25 ноябргача Неймарнинг трансферини расман эълон қилишни режалаштирмоқда. Шу куни машҳур клуб жорий мавсумдаги сўнгги ўйинини ўтказади.