Neymar: Ular meni do‘pposlashmoqchi bo‘lishdi

  • 17 dekabr, 2024, 12:30
  • Zohir Toshxo’jayev
  • 0
  • Futbol
TIGGO 2 PRO

“Al-Hilol” yulduzi Neymar 2023 yilning yozida PSJdan ketishiga sabab bo‘lgan omillar haqida gapirib berdi. Braziliyalik futbolchining ta’kidlashicha, jamoasini o‘zgartirishga parijlik fanatlarning munosabati ham ta’sir qilgan.

- PSJdagi birinchi yilim juda ajoyib o‘tgan, meni klub xodimlari ham, muxlislar ham juda iliq qarshi olgan. Oxirgi ikki-uch yil bunaqa bo‘lmadi. Menga adolatsizlik qilishdi. Axir men maydonda borimni berib o‘ynardim.

Fanatlarning menga qilgan munosabati yoqmadi. Ayniqsa, ular uyimga bostirib kirishga, meni haqorat qilishga va do‘pposlashga uringani barchasidan o‘tib tushdi. Ular barcha chegaralardan o‘tib bo‘ldi. Munosabatlarimiz butkul buzildi, biroq men ularni har doim hurmat qilganman.

Bunday murakkab vaziyatda hammasi mening klubdan ketishim bilan tugagani achinarli bo‘ldi, - dedi Neymar.

Neymar PSJda o‘ynagan davrda jami barcha turnirlarda 173 ta uchrashuvda ishtirok etib, 118 ta gol va 77 ta assist qayd etgan.

Fikrlar

Fikr qoldirish uchun avtorizatsiyadan o'ting!