Неймарга “Олтин тўп” керак эмас, унинг мақсади бошқа!

ПСЖ юлдузи Неймар УЕФА Чемпионлар лигасининг ярим финал босқичида “Манчестер Сити”га ўтказиладиган биринчи учрашув олдидан ўз мақсадлари ҳақида гапирди.

- Бу жуда оғир тўқнашув бўлади. “Сити” жуда кучли рақиб. Биз мураккаб вазиятда ҳам ўзимизнинг энг яхши ўйинимизни кўрсатамиз. Ўзимни жуда зўр ҳис қиляпман ва жамоамни финалга олиб чиқиш учун боримни беришга тайёрман.

Ўйинимиз мунтазам кучайиб бормоқда. Ўтган йили финални бой бергандик. Бу гал совринни қўлга киритамиз. Асосий мақсадим  дунёнинг энг зўр футболчисига бериладиган “Олтин тўп”га эга чиқиш эмас, балки Чемпионлар лигаси бош совринига эга чиқишдир, - деди Неймар.

“Пари Сен-Жермен” – “Манчестер Сити” ўртасидаги учрашув 28 апрель куни тунда, Тошкент вақти билан 00:00 да бошланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)