Неймарни синдиришди

ПСЖ ҳужумчиси Неймар “Лион”га қарши ўтказилган учрашувнинг якунланишига бир неча дақиқа қолганида оғир жароҳат олди.  

Бразилиялик юлдузни майдондан замбилда олиб чиқиб кетишди. Неймар кўз ёшларини тийиб туролмади.

Неймарга нисбатан қўполлик ишлатган Тиаго Мендес аввалига сариқ карточка билан огоҳлантирилди. Бироқ, ушбу вазиятни видеотакрорда қайта кўриб чиққан ҳакам қарорини ўзгартириб, уни майдондан ҳайдади.

Учрашув “Лион” футболчиларининг кичик ҳисобдаги ғалабаси билан якунланди.

Энди Неймар чуқурлаштирилган тиббий кўрикдан ўтказилиб, жароҳат даражаси ва даволаниш муддати аниқланади.