Нейт Диас: Мен Порье билан "одобли бола" ўйинини ўйнамайман

Америкалик аралаш қоидалар жангчиси Нейт Диас ҳамюрти ва енгил вазн тоифаси чемпионлик камарининг асосий даъвогари Дастин Порьени октагонга чорлади:

"Мен енгил вазнда жанг ўтказмайман. У дивизион аллақачон ўлиб бўлган. У ерда мен учун қизиқарли ҳеч нарса йўқ. Мен бу босқични ўтаб бўлганман. Шундай экан, яқин орада мени яримўрта вазн тоифасида кўрасиз. 

Дастин билан жанг қилиш пайтимиз келди. Биз буни аллақачон амалга оширишимиз керак эди. Мана энди ҳеч қандай баҳона ушбу тўқнашувга тўсиқ бўла олмайди. Ҳамма шу жангни кутяпти, демак сабаблар етарли. 

Мен Конор каби "яхши бола" ролини ўйнамайман. Менга қарши бўлиб ўтадиган баҳс Порьега жиддий талафотлар етказади. 

Чарлз Оливейрага қарши октагонга кўтарилишга ҳам қарши эмасман. Менга ғолиблар билан кураш олиб бориш ёқади. Сабаби, менинг ўзим ғолиб менталитетга эгаман", - деди Диас.