Нидерландия терма жамоаси етакчиси фаолиятини Осиёда давом эттириши мумкин

Нидерландия терма жамоаси ва "Коринтианс" клуби ҳужумчиси Мемфис Депай Бирлашган Араб Амирликлари клуби билан шартнома имзолаши мумкин.

Бразилиянинг "Коринтианс" клубида тўп тепаётган нидерландиялик форвард Мемфис Депай фаолиятини Осиё қитъасида давом эттириши мумкин. Хабарларга кўра, ҳужумчи учун икки клуби "Шабаб Ал-Аҳли" ва "Ал Васл" клублари даъвогарлик қилмоқда. Икки клуб ҳам Депай учун аллақачон шартнома таклиф қилишга улгурган, бироқ футболчи учун тақдим этилган спорт ва молиявий шароитлар Депайнинг талабларига мос келмаган. Аввалроқ футболчининг қишда Бразилия клубини тарк этишни ўйлаётгани ҳақида хабарлар тарқалган эди. Нидерландиялик футболчининг клуб билан амалдаги шартномаси шу йилнинг охирида якунига етади. 

Маълумот учун, Депай Нидерландия терма жамоасининг энг яхши тўпурари ҳисобланади. Унинг ҳисобида 108та ўйинда 55та гол мавжуд.