Нигина Абдураимова мусобақани ғалаба билан бошлади

Халқаро теннис федерацияси томонидан аёллар ўртасида ўтаётган "Фьючерс" туркумига кирувчи "ISTANBUL LALE CUP" мусобақасига Туркия давлати мезбонлик қилмоқда.
 
Соврин жамғармаси 60,000 АҚШ доллари бўлган мазкур турнирнинг биринчи даврасида мамлакатимиз шарафини Нигина Абдураимова муносиб ҳимоя қилди.  Ушбу босқичда Нигинага қозоғистонлик Елена Рибакина қаршилик кўрсатди. Икки сет давом этган ўйинда теннисчимиз 6:3, 6:4 ҳисобида ғалаба қозонди.
 
Бироздан сўнг мамлакатимизнинг биринчи рақамли теннисчиси Сабина Шарипова ҳамда словакиялик Яна Чепалова учрашуви якунланади. Мазкур ўйин натижаси билан сайтимиз орқали биринчилардан бўлиб танишишингиз мумкин.

Фикрлар

Фикр қолдириш учун авторизациядан ўтинг!