Ниғматилла Йўлдошев Ўзбекистон кураш федерацияси раиси этиб сайланди
Ads

Хабарингиз бор, Термизда Ўзбекистон Республикаси Президенти соврини учун кураш бўйича Ал-Ҳаким Ат-Термизий хотирасига бағишланган XIV халқаро турнир бўлиб ўтмоқда. Мазкур турнирда жаҳоннинг беш қитъасидаги 48та давлатдан энг сара полвонлар ғолиблик учун баҳс олиб боришмоқда.

Бугун куннинг иккинчи ярмида Термиз шаҳрида Ўзбекистон кураш федерациясининг навбатдан ташқари ҳисобот-сайлов конференцияси ташкил этилди. Унда ташкилий масала кўриб чиқилди. Таъкидлаш керак, айни пайтда мазкур спорт ташкилоти раиси лавозими вакант эди. Конференция доирасида Ўзбекистон Республикаси Бош прокурори Ниғматилла Йўлдошев номзоди мамлакат кураш федерацияси раислигига тавсия қилинди.

Сайловда федерация раислигига бошқа номзод кўрсатилмади ва натижада Ниғматилла Йўлдошев бир овоздан Ўзбекистон кураш федерацияси раиси этиб сайланди. Бу ҳақда кураш федерацияси матбуот хизмати хабар берди.

Минбар

Барча блоглар