Ниҳоят! Мбаппе эртаги тугади

ПСЖ футболчиси Килиан Мбаппе Париж клуби билан шартномани узайтиришга қарор қилди. Бу ҳақда таниқли инсайдер Фабрицио Романо хабар берди. 

Манбага кўра, футболчи жамоада қолиши эвазига бонус ва яна бошқа қулайликларга эга бўлади. У якуний қарорини шахсан "Реал" президенти Флорентино Переснинг ўзига маълум қилган. 

Шу тариқа, француз ҳақида турли миш-мишлар якунига етди. У камида яна бир мавсум ПСЖда фаолиятини давом эттиради.