Нико Уильямс: "Мбаппе — ажойиб ўйинчи, лекин бизда Ямаль бор"

Испания терма жамоаси ҳужумчиси Нико Уильямс журналистлар билан суҳбатда 2026 йилги жаҳон чемпионати ярим финали олдидан Францияга қарши баҳс ҳақида фикр билдирди.

«Мбаппе — жуда кучли футболчи, лекин бизда дунёдаги энг яхши ўйинчи бор. Бу — Ламин Ямаль. У шу ўйинда ўзининг энг яхши томонларини намойиш этади», — дея Уильямснинг сўзларини The Touchlinе нашри келтиради.

Эслатиб ўтамиз, Килиан Мбаппе жаҳон чемпионатида саккизта гол уриб, тўпурарлар пойгасида аргентиналик юлдуз Лионел Месси билан биргаликда пешқадамлик қилмоқда. Ламин Ямаль учун эса бу мундиал ҳозирча унчалик омадли кечмаяпти: «қизил фурия» ҳужумчиси олти ўйинда фақат бир бор гол урган.