Нико Уильямсга АПЛ гранди жиддий қизиқяпти

"Билбао"нинг Атлетик клуби вингери Нико Уильямсга Лондон клуби даъвогарлик қилмоқда.

"TeamTalk" нашри берган хабарларга кўра, испаниялик ҳужумчининг хизматларига Англиянинг "Тоттенхэм" клуби жиддий қизиқиш билдирмоқда. Маълум бўлишича "шпорлар" раҳбарияти футболчининг шартномасида белгиланган 95 миллион евролик товон пулини тўлаб беришга тайёр. Лондонликлардан ташқари, Нико учун Англия Премьер-лигасининг амалдаги чемпиони "Ливерпуль" жамоаси ҳам қизиқиш билдирмоқда.Футболчи 2021 йилдан буён билбаоликлар шарафини ҳимоя қилиб келмоқда. Унинг басклар билан амалдаги шартномаси 2035 йилнинг ёзигача амал қилади. Уильямснинг "Трансфермаркт"даги нархи 60 миллион еврони ташкил этади.

Маълумот учун, 23 ёшли вингер жорий мавсумда умумий 26та учрашувда майдонга тушиб, 4та гол ва 6та голли узатмани амалга оширди.