Николас Тальяфико: "Ювентус" - "Аякс" жуфтлигида имкониятлар ҳамон тенг

"Аякс" клуби ҳимоячиси Николас Тальяфико кеча "Ювентус"га (1:1) қарши бўлиб ўтган ўйин ҳақида ўз фикрларини билдириб ўтди.

“Биз ғалаба қозонишни хоҳлагандик, аммо, рақиб бизнинг майдонимизда гол уришни уддалади. Энди “Аякс”га осон бўлмайди, лекин биз Туринда ижобий натижа қайд этишга ҳаракат қиламиз. Ушбу жуфтликда ярим финалга чиқиш имкониятлари ҳамон 50/50 деб ўйлайман. Туринликларда меҳмонда урилган гол борасида устунлик бор, лекин биз “Реал”га қарши ўйинда бундай устунликни йўққа чиқара олганмиз. Жавоб баҳсида имкон қадар кўпроқ вазиятлар яратиб, гол уришга ҳаракат қиламиз”, - дейди аргентиналик футболчи.

Эслатиб ўтамиз, “Ювентус” ва “Аякс” жамоалари ўртасидаги жавоб ўйини 16 апрель куни бўлиб ўтади.