Николай Валуев: Чагаевни осон енгамaн деб хато қилганман
Ads

Мазкур бокс оқшомида ўзбекистонлик 19 ёшли Равшан Муҳаммаджонов (6-0, 3 КО) навбатдаги ғалабасини қўлга киритди. -72,58 кг вазн тоифасида кечган жангда ҳамюртимизга россиялик Дмитрий Гашков қарши рингга чиқди, бироқ тўқнашувнинг биринчи раундидаёқ Равшан рақибини нокаутга учратди ва фаолиятидаги олтинчи ғалабасини нишонлади.

ravshan

Шунингдек, ушбу бокс оқшоми арафасида профессионал бокс мураббийлари Набижон Исмонов ҳамда Зуфар Сулаймонов супер оғир вазн тоифасида WBA собиқ чемпиони, айни вақтда сиёсат оламида фаолият юритаётган Николай Валуев билан учрашиб, суҳбат қуришди.

Мазкур суҳбатда Валуев ўзбек боксига, айниқса ҳаваскорлар боксчига юқори баҳо берган ва уларга ҳавас қилишини таъкидлаган. Бундан ташқари суҳбатда россиялик собиқ боксчи Руслан Чагаев билан бўлган жангга алоҳида тўхталиб ўтган ва мазкур қарама-қаршилик олдидан осонгина ғалаба қозонаман деб ўйлаганини ҳамда  раундлар мобайнида эса Руслан учун жонли нишонга айланганини тан олган.

Эслатиб ўтамиз, Чагаев ва Валуев ўртасидаги чемпионлик жанги 2007 йил 14 апрелида Германиянинг Штуттгарт шаҳридаги “Порше-Арена”да ташкил этилган. Мазкур тўқнашувга қадар боксчилари профессионал рингда мағлубиятга учрамаган. 12 раунд якунларига кўра, ўзбекистонлик боксчи очколар бўйича рақибидан устун келиб, чемпионликни тортиб олади.