Нокдаун, шиддатли зарбалар ва финал чиптаси — Абдуллаев Олимпиада совриндорини ярим финалда тўхташга мажбур қилди (фотогалерея)

Тошкентдаги "Ҳумо арена"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтмоқда.

-63,5 кг вазн тоифасида Руслан Абдуллаев арманистонлик Хованец Бачков билан рингга кўтарилди. Илк раундда Русланнинг қўли баланд келди - 5:0. Иккинчи раундда ҳам вакилимизнинг устунлиги қайд этилди - 5:0. Бироқ охирги раундда Руслан имкониятни бой бериб қўйди - 0:5. Якуний ҳисоб эса 5:0 Руслан Абдуллаев фойдасига.

Қайд этиш лозим, арманистонлик спортчи 3 карра Олимпиада совриндори, Европа чемпиони ҳисобланади. Аммо Абдуллаев иккинчи раундда уни нокдаун ҳолатига тушириб қўйгани эътирофга сазовор.

Қуйида мазкур жангдан фотосуратларни томоша қилишингиз мумкин.