Нойер "Барселона" ва "Интер" қандай жамоа эканлигини айтди

"Бавария" посбони Мануэль Нойер "Барселона" устидан қозонилган ғалаба ҳақида гапирди. 

Мюнхен клуби Европа Чемпионлар лигаси 2-туридан ўрин олган ўйинда ўз майдонида 2:0 ҳисобида ғалаба қозонди. 

"Танаффусдан кейин биз ўйин аввалидагидан анча яхши ҳаракат қилдик. Иккинчи бўлимда биз ютишни истаётганимиз яққол сезилди. Биз шунчаки буни кўпроқ хоҳладик. 

"Интер" ва "Барселона" тўпни ўзида ушлашни ёқтирадиган жамоалар. Бу бизга кўпроқ бўш зоналар тақдим этади. Иккинчи голни айнан шу туфайли киритдик. 

Биз компакт футбол намойиш этиб, ҳимояга "автобуз" қўядиган жамоаларга қарши қийналамиз. Шундай бўлса-да, ҳар қандай вазиятга ечим топамиз ва қарор қабул қиламиз", - деди "Бавария" дарвозабони.