Nursulton Ro‘ziboev "Open FC 10" turnirida o‘z jangini o‘tkazdi

Moskvada davom etayotgan "Open FC 10" turnirida yurtimizning eng ko‘zga ko‘ringan MMA vakillaridan biri Nursulton Ro‘ziboev ham o‘z jangini o‘tkazdi. 

U Braziliya vakili Aleks De Paulaga qarshi oktagonga ko‘tarildi. Mazkur jang o‘rta vazn (83.9 kg) toifasida o‘tkazildi. 

Ushbu qarama-qarshilikda kutilganidek, hamyurtimiz o‘z ustunligini namoyish etgan holda, birinchi raundning o‘zida texnik nokaut bilan g‘alaba qozondi. Quvonarlisi, ushbu g‘alaba unga promoushenning o‘rta vazn toifasidagi chempionligini taqdim etdi!

Hamyurtimizni ushbu muvaffaqiyat bilan tabriklaymiz!