Нурсултон Рўзибоев вазн меъёрини бажарди. Эртага жанг!

Юртимизнинг энг кўзга кўринган ММА жангчиларидан бири Нурсултон Рўзибоев эртага навбатдаги жангини ўтказади.

У Россиянинг Самара шаҳрида “Open Fighting Championship” турнири доирасида украиналик Богдан Котловяновга қарши октагонга кўтарилади. Бугун ушбу жанг аввалидаги вазн ўлчаш маросими бўлиб ўтди ва юртдошимиз белгиланган вазн меъёрини бажара олди. Яъни, Нурсултон ўрта вазн (77-84 кг) тоифасида жанг қилади.

Шу ўринда таъкидлаб ўтиш лозимки, ҳамюртимиз бу промоушенда дебют қилади. Мазкур муҳим жангда юртдошимизга омад ёр бўлишини тилаб қоламиз!