“Nyukasl” katta transferni hal qilmoqda

“Atletiko”ning angliyalik himoyachisi Kiran Tripper anchadan beri o‘z yurtining kgrand klublari nishonida turibdi. Xususan, “Manchester Yunayted” mutasaddilari bu futbolchining transferini so‘rab madridliklarga bir necha bor murojaat qilgan.

Endi “Nyukasl” 31 yoshli futbolchini o‘z safiga qo‘shib olish maqsadida “Atletiko” bilan muzokara boshladi. “Qarg‘alar” qishki transferlar vaqtida tajribali himoyachiga ega chiqmoqchi.

Bu transferni amalga oshirish uchun “Nyukasl” 20 million evro atrofida xarajat qilishiga to‘g‘ri keladi.

Tripper joriy mavsumda Ispaniya chempionatida 14 ta uchrashuvda maydonga tushdi, lekin samarali natija qayd etgani yo‘q.