"Манчестер Юнайтед" қанот ҳимоячиси Брэндон Уильямс мавсумнинг иккинчи ярмини "Ньюкасл"да ўтказиши мумкин.

Айни дамда "оқ қоралар"га устозлик қилаётган МЮ собиқ футболчиси Стив Брюс ҳимоядаги рақобатни кучайтириш мақсадида ёш футболчини ижарага олмоқчи.

Уильямс жорий мавсумда Премьер-лига баҳсларида битта,  Лига кубоги ва ЕЧЛ гуруҳ босқичида 2 тадан ўйинда майдонга тушди ва битта голли узатма берди.

"Қизил иблислар" устози Уле-Гуннар Сульшер олдинроқ, Уильямсга кубок ўйинларида кўпроқ имконият бериши ҳақида айтиб ўтган эди.

Ëзги трансфер ойнаси вақтида "Порту"дан харид қилинган Алекс Теллес жорий мавсумда Брэндон Уильямсни захира футболчисига айлантириб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)