“Ньюкасл” хўжайини Исаак билан яраша олмади
“Ньюкасл” раҳбарияти жамоа машғулотлари ва ўйинларида иштирок этишдан бош тортиб келаётган етакчи ҳужумчи Александр Исаакни ярашувга кўндира олмади.
Гап шундаки, швециялик ҳужумчи клуб уни “Ливерпуль”га қўйиб юбормаётгани учун иш ташлаш эълон қилган. 25 ёшли форвард жамоадан алоҳида шуғулланиб юрибди.
“Ньюкасл”га эгалик қилувчи Саудия Арабистони суверен фонди делегацияси клуб президенти Жейми Рубен билан бирга Исаакнинг хонадонига келди.
The Telegraph нашрининг хабар беришича, бу учрашувдан ҳеч қандай натижа чиқмаган. Исаакни машғулотларга қайтиш ва иш бошлашга кўндира олишмади.
Исаак клуб вакилларининг таклифига жавобан, ҳамон “Ливерпуль”га кўчиб ўтиш истагида эканини таъкидлаган. Футболчи “Ньюкасл” уни қўйиб юбормагунича майдонга қайтмаслигини яна бир карра уқтирди.
Фикрлар