"Ньюкасл"нинг навбатдаги трансфери Ла Лига грандидан бўлади

"Севилья" клуби ҳимоячиси Диего Карлос фаолиятини бошқа чемпионатда давом эттиришга яқин турибди.

Қайд этилишича, Карлос жамоага АПЛда қолиш учун кураш олиб бораётган "Ньюкасл" клубига ўтмоқчилигини маълум қилган. Ўз навбатида, "қарғалар" ҳам уни ўз сафига қўшиб олишдан манфаатдор.

Миллиардерлар қўлига ўтган жамоа бразилиялик футболчига 4 йиллик шартнома таклиф этган. 28 ёшли ҳимоячи январь ойининг ўзидаёқ "туманли альбион"га кўчиб ўтиши мумкин.

Аввалроқ, андалусияликлар "Ньюкасл"нинг Карлос борасидаги 25 миллион евролик таклифини рад қилгани ҳақида хабарлар тарқалганди. "Transfermarkt" унинг нархини 45 миллион евро этиб белгилаган.