Ўнта гол бўлган учрашувда Ўзбекистон Индонезияга ютқазиб қўйди

Ўзбекистон U-16 ёшлар терма жамоаси биринчи назорат учрашувида Индонезия ёшларига қарши баҳсда 4:6 ҳисобида мағлуб бўлди. Бу ҳақда Ўзбекистон футбол ассоциацияси хабар берди.

Ўзбекистон терма жамоаси таркиби рақиб дарвозасини тўрт бор ишғол қилди. Индонезия жамоаси аъзоси Рамадан Путра ўз дарвозасига гол урди, қолган уч тўпни эса Абдуллох Холмаматов, Камолиддин Акбаралиев ва Хўжаакбар Зулфиқоров йўллади.

Ўйинни бошидан майдонга тушган асосий таркиб қуйидагича бўлди: Азиз Бердиев, Хўжаакбар Зулфиқоров, Азизилло Эркинжонов, Абдуллох Холмаматов, Розимурод Розимуродов, Шоҳжаҳон Турақулов, Абубакр Маматов, Ҳасан Уралов, Файз Ачилов, Ҳусан Уралов ва Яҳё Бахтиёров.

Учрашув давомида захирадан Абдувалиев, Бобиров, Тиллаев, Шухратиллаев, Эшбоев, Аминов, Акбаралиев, Хайруллаев ва Саматов майдонга туширилди.

Иккинчи ўртоқлик учрашуви 27 август куни ўтказилиши белгиланган.