Ўзбек жангчиси рақибининг жағини синдириб, кейин нокаут қилди

Қозоғистонлик жангчи Одилжон Сандибековнинг мураббийи Мирамгали Акмолдинов журналистларга берган интервьюсида ўз шогирдининг Алматида бўлиб ўтган IBA Nomad 15 аралаш жанг санъати турнирида ўзбекистонлик рақиб Абдумалик Эрбутаевга қарши жанг режаси ҳақида гапириб ўтди.

— Энг аввало, бизнинг режамиз жангнинг биринчи дақиқасини хавфсиз ўтказиб олиш эди. Рақибимиз услубини яхши билганимиз учун шу сценарийга тайёргарлик кўрганмиз. 

Хўш, шунга яраша худди рақибга ўхшаш габаритдаги спарринг шерикни жалб қилдик ва машғулотларда ҳаммасини уддалаб келаётгандик, — дея таъкидлади мураббий.

Унинг сўзларига кўра, ушбу жангда "Адос"нинг асосий хатоси — биринчи сониялардаёқ жуда қотиб қолгани, шундан фойдаланган "Аби" эса илк ҳужум учун ўзини эркин тайёрлаб олгани бўлган.

— Биринчи зарбалар сериясидaноқ Одилжоннинг жағида синиш юз берди. Кейинги ўтказиб юборилган зарбалар эса вазиятни янада оғирлаштирди, — деди Акмолдинов.

Жанг ярим ўрта вазн тоифасида, уч раундга мўлжалланган ҳолда ташкил этилган эди. Бироқ тўқнашув биринчи раундdaёқ Эрбутаевнинг нокаут орқали қозонган ғалабаси билан якунланди.