Ўзбекистон кейинги босқичга чиқиши керак, деб ҳисоблардим! Каннаваронинг энг катта хатоси очиқ айтилди

Валерий Непомняшчий Ўзбекистон миллий терма жамоасининг тарихий жаҳон чемпионатидаги омадсиз иштирокини италиялик бош мураббий Фабио Каннаваро танлаган тактик қарорлар билан боғлади.

Ўзбекистон терма жамоаси мусобақада дебют қилганига қарамай, гуруҳ босқичини мағлубиятлар билан якунлади. Жамоа Колумбия (1:3), Португалия (0:5) ва Конго Демократик Республикаси  (1:3) футболчиларига ютқазиб, плей-офф босқичига чиқа олмади.

Ўзбек футболчини яхши билан россиялик машҳур мутахассис Валерий Непомняшчий журналистлар билан мулоқотда Ўзбекистоннинг имкониятлари аслида юқорироқ бўлганини таъкидлади. Унинг фикрича, Ўзбекистон камида гуруҳда учинчи ўринни эгаллаб, кейинги босқичга чиқиши керак эди.

Фабио Каннаваро Ўзбекистон терма жамоасига 2025 йилнинг октябрь ойида бош мураббий этиб тайинланган. Жамоа эса жаҳон чемпионати йўлланмасини ундан аввалроқ, Тимур Кападзе бошчилигида қўлга киритган эди. 

Непомняшчийнинг ўзи 2006 йилда Ўзбекистон терма жамоасини бошқарган, 1988–1990 йилларда эса Камерун терма жамоасига устозлик қилган ва бу жамоа билан 1990 йилги жаҳон чемпионатида муваффақиятли қатнашган.

- Эҳтимол, бу ҳақда гапириш мен учун унчалик тўғри эмасдир, лекин барибир айтаман: жамоани Тимур Кападзе бошқариши керак эди, деб ўйлайман. Менга шундай туюляптики, Фабио Каннаваро футболчилар салоҳиятини тўғри баҳолай олмади ва ўйинлар учун муносиб тактика танламади. 

Каннаваро ўйинчиларни ўз ғоясига мослаштириш ўрнига, аксинча, уларнинг кучли томонларидан келиб чиқиб тактика қуриши лозим эди. 

Кападзе эса улар билан анча вақт ишлаган, имкониятларини яхшироқ билади. Биринчи ўйинда жамоа жуда қотиб қолган, эҳтиёткор ўйнади, иккинчисида эса аксинча, ҳаддан ташқари хавфли, авантюрага яқин услубни танлади, – деди Валерий Непомняшчий.

Унинг сўзларига кўра, учинчи баҳсда жамоа ўйини бироз яхшиланган, аммо рақиб ҳам унчалик кучли эмасди.

- Барибир жуда ранжидим. Чунки Ўзбекистон термаси гуруҳда учинчи ўринни олиб, кейинги босқичга чиқиши керак, деб ҳисоблардим. Лекин бундай бўлмади. Биз яхши биладиган футболчилар ўзини ёрқин кўрсатди. Лекин бундай таркиб билан, албатта, ҳимоядан ўйнаш, қарши ҳужумларда имконият қидириш керак эди. Бу имкониятлардан фойдалана оладиган ўйинчилар бор. Португалия ёки Колумбия билан тенгма-тенг ўйнашга уриниш эса мутлақо нотўғри йўл эди, – дея қўшимча қилди  тажрибали мутахассис.

Жаҳон чемпионати тарихда илк бор 48 та миллий жамоа иштирокида ва биринчи марта бир вақтнинг ўзида уч давлат – АҚШ, Канада ва Мексика ҳудудида ўтказилмоқда. Мусобақа 19 июль куни якунланади.

Ўзбекистон футболчиси мундиалдаги омадсизликдан кейин терма жамоадан кетди

Шомуродов мундиалдаги омадсизлик сабабларини келтириб ташлади

Шомуродов Каннаваро ҳақида кутилмаган фикр билдирди!

Шомуродов мундиалдаги омадсизлик сабабларини келтириб ташлади

Супергол урган Шомуродов ўйиндан кейин ўткир гапирди