ОАВ вакиллари диққатига! ФИФА Футзал Жаҳон чемпионати-2024 учун аккредитация жараёни бошланди
Жорий йилнинг 14 сентябр – 6 октябр кунлари жаҳон футзалининг энг етакчи терма жамоалари юртимизда жам бўлишади. Футзал бўйича ФИФА Жаҳон чемпионати-2024 баҳслари Ўзбекистонда ташкил этилади.
Мазкур жаҳон чемпионатини фаол ёритиш истагида бўлган барча турдаги ОАВ вакиллари учун аккредитациядан ўтиш жараёни бошланганини маълум қиламиз. Аккредитация жараёни 15 августга қадар давом этади.
Бунинг учун ФИФА расмий сайтининг медиа бўлими – media.fifa.comъда регистрациядан ўтиш ва керакли ОАВ турини танлаш талаб этилади (https://extranets.fifa.com/en/registration/mediahub). Жаҳон чемпионати учун аризаларни тасдиқлаш ва аккредитация тақдим этишни ФИФА медиа бўлими амалга оширади.
Рўйхатдан ўтишни истаган ОАВ вакиллари fifa.com расмий сайтида ўзига тегишли йўналиш бўйича медиа йўриқномалар билан танишишлари лозим.
Фикрлар