Обамеянг Артета билан бўлган можаро ҳақида гапирди

Яқинда "Барселона" билан шартнома имзолаган ҳужумчи Пьер-Эмерик Обамеянг ўзининг тақдимоти чоғида "Арсенал" бош мураббийи Микель Артета билан бўлган можароси тафсилотлари билан ўртоқлашди.

"Менимча, ҳамма муаммо унда эди, у қарор қилди. Кўп гапира олмайман, мен бўлиб ўтган воқеалардан хурсанд бўлмадим, тамом.

Ҳаммаси шундай бўлди. Мен унчалик хурсанд эмасдим, лекин хотиржам бўлдим, ҳаммаси шу”, - деди Обамеянг.

Эслатиб ўтамиз, 14 декабрь куни Обамеянг сардорлик боғичидан маҳрум қилинган эди, шундан сўнг у "канонирлар" таркибида бирорта учрашувда майдонга туширилмади.