Обамеянг ўрнига зўри келади

“Челси” раҳбарияти аввалги бош мураббий Томас Тухель таклифи билан “Барселона”дан олиб келинган ҳужумчи Пьер-Эмерик Обамеянгни клубдан тезроқ кетишини истаяпти.

“Аристократлар” унинг ўрнига “Брендфорд”да порлай бошлаган Айвен Тоунини трансфер қилмоқчи. Бу ҳақида англиялик таниқли журналист Саймон Филиппс хабар берди.

- Айвен Тоуни “Челси”га жуда маъқул келадиган ўйинчи. Клубнинг янги селекция хизмати унинг номзодини илгари сурмоқда. Бироқ, “Челси” шошилмаслиги керак. Чунки Тоунининг қимор ўйинларига қизиқиши бор ва уни дисквалификация қилишлари мумкин.

Умуман олганда эса, Тоуни ёзги трансферлар вақтида ҳужум чизиғига олиб келинадиган асосий номзод ҳисобланади, - деб ёзди Саймон Филиппс.