OChL. "Al-Hilol" Qatar klubi darvozasiga javobsiz 3 ta to‘p kiritdi

Osiyo chempionlar ligasi 2-turidan o‘rin olgan "Al-Rayyan" - "Al-Hilol" uchrashuvi yakuniga etdi. Mazkur bahsda mehmonlar yirik 3:0 hisobida g‘alaba qozondi. 

Dastlab 27-daqiqada Abdulla Al-Xamdan uchrashuvda hisobni ochdi. 49-daqiqada Muhammad Kanno oradagi farqni 2 taga oshirdi. 87-daqiqa o‘tib borayotgan bir pallada Nosir Al-Dovsari saudiyaliklarning uchinchi golini kiritdi. 

Mazkur natijadan so‘ng "Al-Hilol" ochkolari sonini 6 taga etkazib oldi. "Al-Rayyan" hisobida 3 ochko mavjud.