ОЧЛ. "Ал-Вакра" - "Навбаҳор": Матнли трансляция

Осиё чемпионлар лигаси сўнгги саралаш босқичи доирасида "Ал-Вакра" - "Навбаҳор" ўйини старт олди. Мазкур ўйиндан матнли трансляцияни сайтимиз орқали кузатиб боришингиз мумкин. 

• 120+2'
  

  Тугади! "Навбаҳор" Қатарда қийин ғалаба эвазига ОЧЛ гуруҳ босқичига йўл олди. 

• 116'
  

  Жамшид Болтабоев ҳакам томонидан сариқ карточкага лойиқ кўрилди. 

• 114'
  

  Юсупов навбатдаги зарбани бартараф этмоқда. 

• 110'

  Асад Собиржонов ўрнига Жасур Яхшибоев ўйинни давом эттиради.

• 109'

  "Ал-Вакра" бир киши кам бўлиб ҳужумга ўтмоқда. Аммо ҳимоячиларимиз яхши ҳаракат қиляпти!

• 106'
  

  Тўртинчи бўлимга ҳам старт берилди. 

• 105+1'
  

  Тайм тугади. Ҳисобда олдинда бормоқдамиз - 0:1.

• 105'
  

  Қўшимча бўлимларнинг биринчисига 1 дақиқа вақт қўшиб берилди. 

• 103'

  Вакилларимиз голдан руҳланган ҳолда яна олдинга ўтмоқда. 

• 98'
  

  ГООООООООООООЛ! "Навбаҳор" учрашувда ҳисобни очди. Жўрабековнинг узатмасидан сўнг Абдуманнопов ҳисобни очди. 

• 95'

  Собиржоновнинг зарбасини рақиб посбони бартараф этди. 

• 91'

  Экстра-таймларнинг биринчиси бошланди. 

• 90+6'
  

  Экстра-таймлар гувоҳи бўламиз. 90 дақиқада ҳисоб очилмади. 

• 90+5'
  

  Милош Милович ўрнига Шаҳбоз Жўрабеков майдонга туширилди. 

• 90'
  

  Иккинчи бўлимга 6 дақиқа вақт қўшиб берилди.

• 88'

  Вакилларимиз позицион ҳужум ташкил этишга ҳаракат қиляпти. 

• 85'

  Рақиб сафида бирданига 3 та ўзгариш амалга оширилди. 

• 83'

  Абдуманнопов тўпга улгурмади. Натижада, у дарвозабонга жароҳат етказиб қўйди.

• 81'
  

  Қизил карточка. Рақибнинг 3-рақамли вакили Холид Шурраб майдондан четлатилди. У захирадан майдонга тушганди. 

• 78'
  

  Табатадзега шифокорлар ёрдами керак. У жароҳат олган кўринади. 

• 76'
  

  "Навбаҳор" таркибида илк ўзгариш. Аброр Исмоилов ўрнига Дониёр Абдуманнопов майдонга туширилди.

• 72'

  Тўп билан бизнинг футболчилар.

• 68'

  Болтабоевдан ажойиб хатти-ҳаракатлар кўрдик. Аммо унинг зарбасидан сўнг тўп дарвоза тўсини тепасидан ўтиб кетди. 

• 65'

  Табатадзенинг зарбаси ноаниқ кўриниш олди. 

• 62'

  Уххх. "Навбаҳор" футболчилари қулай имкониятдан гол ура олмади. Аниқроғи, тўпга зарба берадиган футболчи топилмади. 

• 59'

  Қатар клуби футболчилари тўпни назорат қиляпти.

• 56'

  Фоллар бўйича - 6:15. Афсуски, устунлик биз томонда.

• 55'
  

  Игорь Голбан сариқ карточка олди. 

• 53'

  Рақиб жарима майдони олдида прессинг амалга оширдик. Аммо қатарликлар вазиятдан яхши чиқиб кетишди. 

• 51'

  Ўйин давом этади. Ҳаммаси жойида. 

• 49'
  

  Ўткир Юсуповга тиббий ёрдам кўрсатилмоқда. 

• 46'
  

  Иккинчи тайм бошланди. 

• 45+1'
  

  Биринчи тайм тугади. Ҳозирча 0:0.

• 45'
  

  Биринчи бўлимга 1 дақиқа вақт қўшиб берилди. 

• 45'
  

  Ўткир Юсупов жамоасини муқаррар голдан сақлаб қолди. Қойил, Ўткир!!!

• 42'

  Сариқ карточкаси бор Миловичга ҳакам оғзаки тушунтириш берди. Буёғига ҳимоячимиз эҳтиёткор бўлиб ҳаракат қилиши лозим.

• 39'

  Вакилларимиз ҳимояда ҳаракат қилишга мажбур бўлмоқда. 

• 36'

  Қатар клубида хавфли ҳужумлар сони ошиб бормоқда. 

• 32'
  

  Милош Миловичга сариқ карточка кўрсатилди.

• 30'
  

  Юсуповдан яна бир ажойиб сейв!

• 29'
  

  "Ал-Вакра" сардори "Навбаҳор" сардори Ўткир Юсупов қўриқлаётган дарвозага зарба берди. Бироқ терма жамоамиз посбони ўз ўрнида.

• 28'

  Собиржонов рақибга нисбатан ўйин қоидасини бузди. 

• 27'

  Тўп билан "Ал-Вакра" футболчилари. 

• 25'

  Вакилларимиз ҳужумга ўтишга уриниб кўрди. Аммо ҳаракат самарасиз якун топди.

• 20 '

  Футболчилар асосан майдон марказида кўпроқ тер тўкишмоқда.

• 17'
  

  "Ал-Вакра"нинг етакчи футболчиси Ҳазем Шеҳата жароҳат олиб, майдонни тарк этди ва унинг ўрнига захирадан майдонга Холид Шурраб тушди.

• 8'

  Табатадзенинг жарима зарбасидан тепган тўпини рақиб посбони қайтарди. 

• 4'

  Ўйин кескин ва шиддатли ўтаганга ўхшаб кўринмоқда. 

• 1'

  Учрашувга старт берилди. 

• *'

  Жамоалар майдонга чиқиб келишди.