ОЧЛ. Легионеримизнинг жамоаси плей-оффга чиқди!

ОЧЛ ғарбий минтақасида 6-тур учрашувлари ўтказилмоқда.

Легионеримиз Азиз Ғаниев ҳаракат қилаётган "Шабаб Ал-Аҳли" клуби сўнгги тур ўйинида квартет пешқадами "Фулад"га қарши майдонга тушди. Дубайликларнинг катта устунлиги остида кечган баҳсда томонлар 1:1 ҳисобидаги дурангга имзо чекди.

Шу тариқа, Ғаниев жамоаси 10 очко тўплаган ҳолда, иккинчи ўрин соҳиби сифатида плей-оффга йўл олди. Энди "Шабаб Ал-Аҳли"га 1/8 финал босқичида "Ал-Ҳилол" ёки "Ал-Райян" жамоаларидан бири рақиблик қилади.