ОЧЛ. "Локомотив" сўнгги ўринга тушиб кетди, "Пахтакор" пешқадам

Ўзбекистон чемпиони - "Локомотив" сафарда "Ал Иттиҳод" меҳмони бўлди. "Қирол Абдулла Спорт Сити" стадионида кечган учрашув голларга бой бўлди ва якунда мезбонлар 3:2 ҳисобида рақибдан устун келишди.

Мазкур гуруҳдан ўрин олган "Ал Раян" - "Ал Ваҳда" қарама-қаршилигида эса дубайликлар 2:1 ҳисобида зафар қучишди.

Шу тариқа "Локомотив" 3 очко билан сўнгги ўринга тушиб кетди. Худди шунча очкога эга бўлган қатарликлар эса ўзаро учрашувдаги ғалаба эвазига 3-поғонадан жой олишган. Дастлабки турда "темирйўлчилар"га имкониятни бой берган "Ал Ваҳда" 6 очко билан гуруҳ пешқадамлигини қўлга киритган. "Ал Иттиҳод" эса бугунги муваффақият эвазига 2-ўринга кўтарилиб олди.

"D" гуруҳида эса "Пахтакор" 5 очко билан етакчиликни давом эттирмоқда. Тошкентдан 1 очко билан қайтган "Ал Садд" эса 4 очко билан 2-поғонани эгаллаб турибди.