ОЧЛ. "Навбаҳор" - "Мумбай Сити": Искандеров ҳисобни очди

Айни пайтда Осиё чемпионлар лигаси гуруҳ босқичидан ўрин олган "Навбаҳор" - "Мумбай Сити" учрашуви старт олди. Мазкур ўйиндан матнли трансляцияни сайтимиз орқали кузатиб боришингиз мумкин.

• 90'
  

  Учрашув якунланди. Унда вакилларимиз йирик - 3:0 ҳисобидаги тарихий ғалабани қайд этди.

• 90'
  

  Азимжон Аҳмедов огоҳлантирилди.

• 90'

  Темурхўжа Абдухолиқов дарвозабон билан яккама-якка вазиятга чиқди. Лекин сўнгги паллада тўпни меҳмонлар посбони Лаченпа қайтариб, майдон ташқарисига чиқариб юборди.

• 90'
  

  "Навбаҳор" таркибида навбатдаги ўзгаришлар юз бериб, Жамшид Искандеров ва Жамшид Болтабоевлар ўрнига Азимжон Аҳмедов ҳамда Музаффархон Муминовлар майдонга тушишди.

• 90'
  

  Учрашувнинг асосий вақтига  тўхталишлар учун 6 дақиқа қўшиб берилди.

• 88'
  

  ГОООЛЛЛЛ! 88-дақиқада дарвозабон билан яккама-якка вазиятга чиққан Дониёр Абдуманнопов тўпни дарвозабоннинг устидан ошириб, дарвозага аниқ йўллаб, ҳисобнинг йирик  кўриниш олишини таъминлади - 3:0.

• 87'
  

  Меҳмонлар таркибида наватдаги ўзгариш юз берди. Апуиа Ўрнига Гуркирта майдонга тушди.

• 82'
  

  "Навбаҳор" таркибида навбатдаги ўзгариш: Майдонда ҳаракат қилган Жасур Яхшибойев ҳамда Остон Ўруновлар ўрнига майдонга Асадбек Собиржонов, Донёр Абдуманноповлар тушди

• 79'

  Менимча икки жамоа ҳам ҳисобга розидек кўринмоқда

• 75'

  Бугунги учрашувга 8230 нафар мухлис ташриф буюрди.

• 72'
  

  "Навбаҳор" таркибида ўзгариш: Майдонда ҳаракат қилган Тома Табатадзе ўрнига Темурхўжа Абдуҳолиқов туширилди

• 70'
  

  Меҳмонлар таркибида навбатдаги ўзгариш юз берди. Викрам ўрнига Бипин майдонга тушди.

• 66'
  

  Меҳмонлар сафида Перейра Диаз огоҳлантирилди.

• 62'

  Меҳмонларнинг ҳужуми ҳавфли тус олди. Яхшиҳамки ҳужумчига аниқлик етишмади. Йўлдошев тўпни ўтказмади

• 61'
  

  Иброҳим Йўлдошев огоҳлантирилди.

• 57'
  

  Меҳмонлар таркибида дастлабки ўзгариш юз бериб, Чхангте ўрнига Эл Ҳаяти майдонга тушди.

• 58'
  

  ГОООООЛЛЛЛЛ!!! Остон Уруновнинг супер рейдидан сўнг Жасурбек Яхшибоев гол уриб, ҳисобни иккита ошириб қўйди. Баракалла йигитлар!!!!

• 52'
  

  ГОООООООООООООООООООООООЛЛЛЛЛЛ!!!!!! Жамшид Искандеров 25-30 метрлар чамаси узоқликдан кучли ва аниқ  зарба йўллаб, ҳисобни очди - 1:0.

• 49'

  Иккинчи бўлимда темп нисбатан пасайди

• 47'
  

  Иккинчи бўлим бошидаёқ наманганликлар бурчак зарбасини амалга оширди. Жамшид Искандеровнинг узатмасидан сўнг ҳимоячилар тўпни қайтарди

• 46'
  

  Учрашувнинг 2-бўлими бошланди.

• 45'
  

  Учрашувнинг 1-бўлими якунланди. Жамоалар танаффусга 0:0 ҳисобида чиқиб кетди.

• 45'

  Ўткир Юсупов жароҳат олган бўлиши мумкин. У оқсоқланиб ҳаракат қилмоқда

• 45'
  

  Биринчи бўлимга 3 дақиқа қўшиб берилди.

• 41'

  УХХХХХХХХХХХХХ! Пенальтини Стюарт амалга оширди. Унинг зарбасидан сўнг, тўпни "Навбаҳор" дарвозабони Ўткир Юсупов қайтарди.

• 43'

  "Навбаҳор" дарвозасига пенальти белгиланди. 

• 40'

  Биринчи бўлим сўнгига келиб, меҳмонлар фаоллликни оширди.Кетма-кет Ўткир Юсуповни безовта қилишмоқда

• 36'

  Дарвоза томон зарбалар сони 3:2 "Навбаҳор" фойдасига

• 32'

  Жамшид Искандеровнинг зарбасидан сўнг, тўп меҳмонлар дарвозабони Лаченпага бориб тушди

• 31'

  Меҳмонларнинг навбатдаги ҳужумидан сўнг, тўпни "Навбаҳор" посбони Ўткир Юсупов ушлаб олди.

• 28'

  "Навбаҳор" бурчак зарбасидан нимадир ўйлаб топмоқчи. Ҳали ўхшамади

• 28'

  ОЧЛ. "D" гуруҳи. 2-тур. "Навбаҳор" - "Мумбай Сити": Ҳали ҳам таблода иккита нол порлаб турибди.

• 23'

  Майдон марказига яқин жойда Филипп Иванович рақибига нисбатан кескин ўйнади

• 18'
  

  Болтабоевнинг супер рейдидан сўнг Остон Ўрунов зарба берди, Остоннинг зарбаси химоячига тегиб майдон ташқарисига чиқиб кетди.

• 17'

  Наманганлик мухлислар ўз суюклиларидан гол сўрамоқда. 

• 15'

  Дастлабки 15 дақиқаликда "Навбаҳор" устунлик қилган бўлса, энди меҳмонлар тўпга эгалик қилиб, ўйин тизгини ўз қўлларига олмоқчи

• 12'

  "Навбаҳор" устози Самвел Бабаян жамоасининг ўйинидан қониқмаяпти ва турган ҳолда "лочинлар"га "дарс бериб турибди"

• 10'

  Меҳмонларнинг илк ҳужумидан сўнг, тўпни "Навбаҳор" дарвозабони Ўткир Юсупов ушлаб олди. Ҳозирча намангнанлик мухлислар фаол!!!

• 5'
  

  "Лочинлар" дастлабки бурчак зарбасини амалга оширди. Яхшибоевнинг узатмасидан сўнг меҳмонлар ҳимоячилари ишончли ҳаракат қилди

• 2'
  

  "Навбаҳор"нинг илк дақиқадаги ҳужуми хавфли кўриниш олди. Лекин сўнгги паллада, Жамшид Искандеровнинг зарбасидан сўнг, тўп дарвоза устуни ёнидан ўтиб кетди.

• 2'

  Бугунги ўйинни мезбонлар кўк, меҳмонлар эса қора рангли  футболкаларда ўтказишмоқда.

• 1'
  

  Учрашув бошланди. Ўйинни меҳмонлар бошлаб беришди.

• 0'

  Ҳар икки жамоа аъзолари бугунги учрашув ҳакамлари бошчилигида, ОЧЛ мадҳияси садолари остида майдонга чиқиб келишди.