Odil Ahmedovning do‘sti Afrika tarixida eng zo‘ri!

O‘zbekiston milliy terma jamoasi etakchisi OdilAhmedov bilan “Anji”da birga to‘p surgan Samyuel Eto’O o‘zini Afrika tarixidagi eng zo‘r futbolchi ekanini ta’kidlamoqda.

O‘z davrida “Barselona”, “Inter”, “Chelsi” kabi grand klublar sharafini himoya qilgan futbolchi bu gapini senegallik El-Xaji Diufning iddaosiga javoban aytgan. Chunki Diuf Afrikaning barcha zamonlardagi eng zo‘r futbolchisiman, degan edi.

- Ukam Diuf o‘zini yo‘qotib qo‘yibdi. Diuf ham, Drogba ham mening darajamda ekanini aytolmaydi. Bu men istaganim uchun emas, balki haqiqatan shunday. Men eng zo‘ri bo‘lishni xohladim va butun faoliyatim davomida shunday bo‘lib keldi, - dedi Samyuel Eto’O.

Eto’O faoliyati davomida jami to‘rt marotaba Afrikaning eng zo‘r futbolchisi deb topilgan.