ЎФА Ўзбекистон - Ҳиндистон учрашувини ЖОНЛИ ЭФИРда намойиш этади

Ўзбекистон аёллар миллий терма жамоаси "Осиё кубоги-2022" саралаш баҳсларига тайёргарлик кўрмоқда.

Олмалиқ шаҳрида старт олган мазкур йиғинга бош мураббий Баҳром Норсафаров 23 нафар футболчини жалб этди. Йиғин доирасидаги илк ўртоқлик ўйинини 5 апрель куни ўтказади. Шу куни вакилларимиз ОКМК стадионида Ҳиндистон билан куч синашади. ЎФА матбуот хизмати ушбу беллашувни жонли эфирда намойиш этишни режалаштирган.

Шунингдек, терма жамоамиз 11 апрель куни Беларусь термаси билан куч синашади.

Халқаро ўртоқлик учрашувлари

5 апрель

Ўзбекистон – Ҳиндистон

11 апрель

Ўзбекистон - Беларусь