ЎФФ таркибий қисмида ўзгариш амалга оширилди

ЎФФ таркибий қисмида ўзгариш амалга оширилди. Шу кунга қадар Ўзбекистон футзал федерацияси Тиббиёт департаментида бош шифокор лавозимида фаолият юритиб келган Тешабоев Лазизбек Эргашбой ўғли ЎФФ Тиббиёт департаменти бошлиғи лавозимига тайинланди.

Лазизбек Тешабоев Тошкент тиббиёт академиясининг “Даволаш иши” йўналиши бўйича бакалавр босқичини тамомлаган. Шунингдек, у спорт тиббиёти факултетининг клиник ординатурасини ҳам муваффақиятли якунлаган.

Лазизбек Тешабоев 2022–2024-йиллар давомида Ўзбекистон футбол ассоциациясида турли ёш тоифаларидаги терма жамоаларда, шунингдек, футзал бўйича Ўзбекистон миллий терма жамоасида шифокор сифатида фаолият олиб борган. 2025-йилдан ҳозирги кунга қадар эса Ўзбекистон футзал федерацияси Тиббиёт департаментида самарали меҳнат қилиб келмоқда.