ОФК лицензия борасида муаммолар туфайли Қатар ўрнига Ўзбекистонга ОЧЛ учун 4-йўлланмани бериши мумкин

Хабарингиз бор, кетма-кет икки мавсум ОЧЛ баҳсларида мувафаққиятсиз қатнашган Ўзбекистоннинг 4 клуби янги мавсумдан эътиборан 1+2 тизимида иштирок этади.

Бу борада Олий Лига чемпиони “Локомотив” ОЧЛ-2017 гуруҳ босқичига тўғридан-тўғри йўлланма олса, “Бунёдкор” ва “Насаф” “плей-офф” ўйинида иштирок этади.

Бухорода дув-дув гап! Кечагина якунланган Олий Лига-2016да тўртинчи ўринни банд этган “Бухоро” ҳам қитъамизнинг нуфузли турнирида иштирок этиши мумкинлиги борасида хабарлар тарқалди.

ОФК лицензиялаш борасида Қатарда муаммоларни кўрмоқда. Албатта, бу хабар ҳозирча тасдиқланмади. Аммо воқеялар ривожи шундай тус олса, бухороликлар ҳам янги мавсумни ОЧЛ-2017 “плей-офф” ўйини била бошлашлари мумкин.

Биз эса кузатишда давом этамиз.