ОФК тартиб интизом қўмитаси қарори: Суюнов жарима тўлайди, Бенатиянинг дисквалификацияси бекор қилинади

ОФК тартиб-интизом қўмитаси гуруҳ босқичи доирасида ўтказилган баъзи учрашувлардаги тартиббузарликлар устидан назорат ўтказиш борасида мажлис ўтказди.

Унга кўра, 14 сентябрь куни ўтказилган "Ал-Ҳилол" - "Пахтакор" беллашувида жарима майдони ташқарисида тўпни қўли билан ўйнагани ва майдондан четлатилгани учун "Пахтакор" дарвозабони Элдор Суюнов 1000 АҚШ доллари миқдорида жаримага тортилди. Бироқ бошқа бандга кўра, Суюнов кейинги икки йил мобайнида бундай ҳаракатни амалга оширмаслиги шарти билан жарима миқдори 250 АҚШ долларига камайтирилди. Шунингдек, "шерлар" посбони гуруҳ босқичи 4-туридан ўрин олган "Пахтакор" - "Ал-Ҳилол" баҳсини ҳам ўтказиб юборганди.

Бундан ташқари, Қатарнинг "Ал-Дуҳаил" клуби ҳимоячиси Мехди Бенатиянинг "Шаржа" жамоасига қарши беллашувда олган қизил карточкаси бекор қилинди. Марокашлик футболчига ҳеч қандай жарима солинмаслиги маълум қилинди.

Матнда хатолик топсангиз, ўша хатони белгилаб, бизга жўнатинг (Ctrl + Enter)