Оғир атлетика. Чирчиқда ёш полвонлар ўзаро беллашади!

19-25 октябрь кунлари Чирчиқ шаҳрида ўсмирлар (U17) ва кичик ўсмирлар (U15) ўртасида Ўзбекистон кубоги, шунингдек, Спорт устаси "Турсинбой Абдумаликов" халқаро хотира турнири ва Спорт мактаблари ўқувчи-спортчилари ўртасида Ўзбекистон чемпионати ўтказилади.

Ўзбекистон оғир атлетика федерацияси матбуот хизматининг хабар беришича, ушбу мусобақаларда 30 та жамоадан 700 нафарга яқин ўгир атлетикачи иштирок этиши кутилмоқда. Қайд этиш лозимки, бу иштирокчилар сони бўйича миллий мусобақалардаги рекорд кўрсатгич ҳисобланади.