Оғир атлетика. Людмила Элефтериади жаҳон чемпионатида иштирок этди

Хабар берганимиздек, айни кунларда Перу пойтахти Лима шаҳрида оғир атлетика бўйича ўсмирлар ўртасида жаҳон чемпионати бўлиб ўтмоқда.

Бугун аёллар ўртасида -55 кг вазн тоифасида ўтказилган баҳсларда ҳамюртимиз Луюдмила Элефтериади супачага кўтарилди. Вакилимиз даст кўтаришда 74 кг, силтаб кўтаришда 93 кг ва икки кураш якунига кўра 167 кг натижа билан 7-ўринни эгаллади.

Эслатиб ўтамиз, эртага 4 нафар спортчимиз жаҳон чемпионатида иштирок этади. Жумладан, аёллар ўртасида -59 кг вазн тоифасида Маржона Абдумуталова ҳамда -71 кг вазн тоифасида Дилноза Раҳматжонова, эркаклар ўртасида эса -81 кг вазн тоифасида Руслан Раҳматжонов ва -89 кг вазн тоифасида Бекзод Ғофуржонов ғолиблик учун баҳс олиб боради.