Оғир атлетика. Терма жамоамиз “Fajr Cup” халқаро турнирида учинчи ўринни қўлга киритди!

Эрон пойтахти Теҳронда ўтказилган олтинчи “Fajr Cup” халқаро турнири ўз ниҳоясига етди. Мусобақада Ўзбекистон терма жамоаси аъзолари ҳам муносиб иштирок этиб, 5 та олтин, 8 та кумуш ҳамда 2 та бронза – жами 15 та медални қўлга киритишга муваффақ бўлишди.

Якуний натижаларга кўра, терма жамоамиз умумжамоа ҳисобида фахрли учинчи ўринни эгаллади ва мусобақанинг махсус кубокларини тантанали равишда қўлга олди.

 –65 кг — Диёрбек Одилов: 3 та кумуш
 –71 кг — Ҳусинбой Матрасулов: 3 та кумуш
 –79 кг — Ҳайитбой Абдушукуров: 1 та олтин, 2 та бронза
 –88 кг — Бекзод Гофуржонов: 1 та олтин, 2 та кумуш
 –94 кг — Муҳаммадқодир Тоштемиров: 3 та олтин

Мураббийлар: Журабек Заиров, Аброр Тожимирзаев

Бу ҳақда Ўзбекистон Миллий ахборот агентлиги хабар бермоқда.