ОКМК сербиялик ярим ҳимоячи билан шартнома имзолади

Урош Койич ОКМК  футболчиси! 

Олмалиқнинг ОКМК  жамоаси таркибни кучайтиришда давом этади. Сербиялик ҳужумкор ярим ҳимоячи Урош Койич билан расман шартнома имзоланди. Клуб ва футболчи ўртасидаги ҳамкорлик келишуви 2+1 тизимида расмийлаштирилди.

22 ёшли янги футболчимиз асосан Сербия чемпионатларида тобланган бўлиб, фаолияти давомида "Боратс", "Инджия" ва "Лознитса" каби клублар шарафини ҳимоя қилган. У профессионал даражада жами 87 та ўйинда майдонга тушиб, ўз ҳисобига 17 та гол ва 4 та голли узатмани ёздириб қўйишга муваффақ бўлган.

Шунингдек, Урош Койич профессионал фаолиятига қадар "Вождоватс У-19" жамоаси сафида 33 та учрашувда иштирок этиб, 4 бор рақиблар дарвозасини ишғол этган.