Окслейд-Чемберлен роппа-роса бир йилдан сўнг яна "Ливерпуль" сафида майдонга тушиши мумкин

Яна бир неча дақиқалардан сўнг Англия премьер-лигасининг 36-туридан ўрин олган “Ливерпуль” ва “Хаддерсфилд” жамоалари баҳси бошланади.

Эътиборлиси, мерсисайдликлар ярим ҳимоячиси Алекс Окслейд-Чемберлен бугун жорий мавсумда илк бор майдонга тушиши мумкин. Бош мураббий Юрген Клопп уни бугунги ўйин қайдномасига киритди.

Эслатиб ўтамиз, Окслейд-Чемберлен сўнгги бор 2018 йилнинг 24 апрель куни “Рома”га қарши бўлиб ўтган ЕЧЛ ярим финал баҳсида майдонга тушган ва ана шу учрашувда жиддий жароҳат олган эди.