Олейник нокаутга учради ва "UFC Fight Night 174" турнирининг қолган натижалари
Бугун Лас-Вегасда "UFC Fight Night 174" мусобақаси ташкил этилди. Кечанинг марказий жангида оғир вазн тоифаси аъзолари Деррик Льюис (24-7) ва Александр Олейник (59-14-1) ўзаро жанг қилди. Жангнинг иккинчи раундида россиялик спортчи нокаутга учради.
Крис Уайдман (15-5) ва Омари Ахмедов (20-5-1) қарама-қаршилигида ҳакамлар бир овоздан Уайдманнинг ғалабасига қарор қабул қилишди. Ҳисоб 29-27, 29-27, 29-28.
Даррен Стюарт (12-5) Маки Питоло (13-6) устидан бўғиш услуби эвазига зафар қучди.
Яна Куницкая (13-5) Юлия Столяренко (9-5-1) ўзаро тўқнаш келди ва Куницкая ҳакамларнинг якдил қарори билан ғолиб, деб топилди (30-26, 30-27, 30-27).
Бенеил Дариуш (19-4-1) ва Скотт Холцман (14-4) қарама-қаршилигининг дастлабки раундида Дариуш рақибини нокаутга учратди.
Фикрлар