"Олимпиакос" ҳужумчиси бу борада Роналду ва Бенземани ортда қолдирди!

Аёуб Эль Кааби эврокубоклар плей-офф босқичида гол уриш бўйича рекорд ўрнатди.

"Олимпиакос" ҳужумчиси 9 ўйинда 11 та гол уриб, Конференциялар лигасининг энг яхши тўпурарига айланди. Эль Кааби УЕФА турнирининг плей-офф босқичида гол уриш борасида рекордни янгилади.

Аввалроқ, Криштиану Роналду 2017 йилда Чемпионлар Лигаси плей-офф босқичида ва Карим Бензема 2022 йилда 10 тадан гол уришга муваффақ бўлган эди. 

2011 йил Европа Лигаси плей-оффида эса Радамель Фалькао 10 та гол муаллифига айланган эди.