"Олимпик" - ОКМК жамоаларининг 3-тўқнашуви. Ўтган йилги натижа ёдингиздами?

Суперлиганинг 3-турида ОКМК Тошкентда «Олимпик» меҳмони бўлади

Париж Олимпиадаси учун махсус тузилган «Олимпик» клуби ўтган йилдан Суперлига иштирокчисига айланган ва ОКМК билан икки бор тўқнаш келган.

Биринчи даврада «Локомотив» стадионида кечган учрашувда ёш олимпиячилар 1:0 ҳисобида зафар қучишган. Олмалиқда ўтган иккинчи давра баҳсида эса «Олимпик»нинг мавсумдаги энг йирик мағлубияти қайд этилган. Мартин Боаке (2 та), Хуршид Ғиёсов, Шохруҳ Гадоев, Миржаҳон Мираҳмадов ва Достонбек Турсуновнинг автоголи эвазига Миржалол Қосимов шогирдлари 6:0 ҳисобида ғалаба қозонишган.

Эртанги  учрашув мазкур жамоаларнинг миллий чемпионатдаги 3-ўйинига айланади.

«Олимпик» — ОКМК

17 март 2023 йил. Тошкент. «Жар» стадиони. 17:00

Ҳакамлар: Ильгиз Танташев, Шоҳнур Йўлдошев, Ойбек Каллахўжаев, Ҳусан Музаффаров

ВАР: Аскер Нажафалиев

АВАР: Руслан Серазитдинов

Назоратчи: Александр Попов

Комиссар: Жамшид Имомов

ОКМК матбуот хизмати.