"Олимпик" кубок баҳсларида "Навбаҳор"га икки бор мағлуб бўлган (превью)

Ўзбекистон кубоги “F” гуруҳи 3-туридан ўрин олган баҳсда “Навбаҳор” сафарда “Олимпик” меҳмони бўлади.

Томонлар кубок ўйинларида шу пайтгача икки марта рўбарў келган: 2021 йили гуруҳ босқичи ва 2022 йили 1/8 финалда.

Мазкур беллашувларнинг ҳар иккисида ҳам “лочинлар” 1:0 ҳисобида зафар қучиб, кейинги босқичга йўл олган. 2021 йили эса 1/8 финал йўлланмасини "олимпиячилар" ҳам 2-ўрин соҳиби сифатида қўлга киритганди.       

  Жамоаларнинг ўзаро ўйинлари:

                                 2021 йил

30.04.2021.  “Навбаҳор” – “Олимпик” – 1:0 (1:0)

Гол: Мирзоҳид Ғофуров (29).  

                               2022 йил

23.08.2022. “Олимпик” – “Навбаҳор” – 0:1 (0:1)

Гол: Жамшид Болтабоев (20).

Эслатиб ўтамиз, “Олимпик” – “Навбаҳор” учрашуви 2 июль куни Тошкентдаги “Жар” стадионида соат 20:00 да старт олади.

“Навбаҳор” матбуот хизмати